Avokati Tomë Gashi ka bërë të ditur se qytetarët me vullnet të mirë kanë vendosur që të hapin një fond bamirësie për familjen e Lulzim Fejzullahut, 18-vjeçari i cili u vra nga dy të mitur në Podujevë.

Siç njofton Gashi, parat që do të grumbullohen nga ky fond do të shkojnë vetëm për motrën dhe vëllain e viktimës, përcjell Arbresh.info.

Me anë të një postimi në Facebook, avokati ka potencuar se Lulzim Fejzullahu ishte kryefamiljar dhe motrën e vëllain i mbante nga puna që bënte në një lokal të ushqimeve të shpejta.

Postimi i plotë i Gashit:

Lulzim Fejzullahu, 18 vjeçar, nga Besiana, u vra ne menyre mizore nga dy te dyshuar te cilet tashme jane te arrestuar dhe ne paraburgim.

Lulzimi, apo Luli siç e njihnin te gjithe, ishte jetim – ngase te dy prinderit, me heret, kishin vdekur.

Luli ishte mbajtes i familjes dhe si 18 vjeçar punonte ne nje lokal te ushqimit te shpejte (fast food). Me pagen e tij, Luli i mbante dy anetare te tjere te familjes – motren dhe vellain – te cilet, per arsye shendetesore, nuk mund te punojne.

Familja (e Lulit) gezonte nje ndihme financiare ne shumen prej EUR 110 nga institucionet shteterore.

Tani, pa Lulin, motra dhe vellai i tij mbeten pa kryefamiljarin qe i mbante me parate qe realizonte nga puna.

Qytetare me vullnet te mire kane vendosur qe te hapin nje fond bamires per familjen e Lulit. Qasja dhe destinini i parave qe do te grumbullohen ne kete fond shkon vetem per motren dhe vellain e Lulit./Arbresh.info